XÜSUSİ DÖVLƏT MÜHAFİZƏ XİDMƏTİ
XÜSUSİ RABİTƏ VƏ İNFORMASİYA
TƏHLÜKƏSİZLİYİ DÖVLƏT AGENTLİYİ

KOMPÜTER İNSİDENTLƏRİNƏ QARŞI MÜBARİZƏ
MƏRKƏZİ

İnsident bildir

Xəbərlər > Azərbaycan Respublikasının Maliyyə Bazarlarına Nəzarət Palatası və Azərbaycan Respublikası Xüsusi Dövlət Mühafizə Xidməti arasında birgə əməkdaşlıq çərçivəsində “İnformasiya təhlükəsizliyi” mövzusunda təlim keçirilib.

1 Fev 2019

Azərbaycan Respublikasının Maliyyə Bazarlarına Nəzarət Palatası (Palata) və Azərbaycan Respublikası Xüsusi Dövlət Mühafizə Xidməti arasında imzalanmış Anlaşma Memorandumuna əsasən Xüsusi Dövlət Mühafizə Xidmətinin ekspertləri tərəfindən banklar və bank olmayan kredit təşkilatlarının nümayəndələri üçün “İnformasiya təhlükəsizliyi” mövzusunda təlim keçirilib.

Təcrübə və diskussiyalarla zəngin olan təlim proqramı informasiya təhlükəsizliyinin təmin olunması, müasir dövrdə informasiya texnologiyalarının üstünlükləri, mövcud problemlər və onların həlli yolları, bank hesablarının və digər konfidensial məlumatların qorunması mövzularını əhatə edib.

Bu kimi təlimlərin təşkil olunması maliyyə bazarlarının iştirakçılarının yarana biləcək təhlükələrdən daim mühafizə olunmasına, vətəndaşların maliyyə xidmətlərindən təhlükəsiz şəkildə faydalanmasına xidmət edir.

Qeyd edək ki, sözügedən Anlaşma Memorandumu 15 dekabr 2017-ci il tarixində Azərbaycanın bank sektorunda kibertəhlükəsizlik, kibercinayətkarlıq halların qarşısının alınması, informasiya texnologiyalarının təhlükəsizliyinin təmin edilməsi və maliyyə sektorunda İT  təhlükəsizliyi sahəsində bilik və bacarıqların artırılması məqsədilə Palata  və Azərbaycan Respublikasının Xüsusi Dövlət Mühafizə Xidmətinin Xüsusi Rabitə və İnformasiya Təhlükəsizliyi Dövlət Agentliyi arasında imzalanmışdır.