Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidmətinin rəisi general-leytenant İlqar Musayevin rəhbərlik etdiyi nümayəndə heyətinin Rumıniya Respublikasına işgüzar səfəri çərçivəsində nümayəndə heyəti Rumıniyanın Kibertəhlükəsizlik Milli Kiberdirektorluğunun rəhbəri cənab Dan Cimpean və digər rəsmilərlə görüşlər keçirmiş, gələcək mümkün əməkdaşlıq istiqamətlərini müzakirə etmişlər.

Səfər zamanı XRİTDX-ın rəisi general-leytenant İlqar Musayev ilə Rumıniya Respublikasının Kibertəhlükəsizlik Milli Kiberdirektorluğunun rəhbəri cənab Dan Cimpean arasında tərəflərin kompüter insidentlərinə qarşı mübarizə komandalarının (CERT) birgə fəaliyyətinin gücləndirilməsi, kibertəhdidlərlə mübarizə, kibertəhlükəsizlik insidentləri barədə məlumat və təcrübə mübadiləsinin təşkili sahəsində əməkdaşlıq haqqında Anlaşma Memorandumu imzalanmışdır.