XÜSUSİ DÖVLƏT MÜHAFİZƏ XİDMƏTİ
XÜSUSİ RABİTƏ VƏ İNFORMASİYA
TƏHLÜKƏSİZLİYİ DÖVLƏT AGENTLİYİ

KOMPÜTER İNSİDENTLƏRİNƏ QARŞI MÜBARİZƏ
MƏRKƏZİ

İnsident bildir

Xəbərlər > Mandrake android cəsusu illərdir istifadəçiləri gizlin izləyirdi.

18 May 2020

  Artıq bir neçə ildir ki, yaxşı planlaşdırılan kiber-casusluq kampaniyası Android mobil cihaz istifadəçilərini zərərli proqramlar ilə yoluxdurdu. Xakerlər zərər çəkmiş cihazın üzərində tam nəzarəti təmin edən zərərli proqramın mövcudluğunu əsaslı şəkildə gizlədə biliblər. Hücumlarda istifadə edilən zərərli proqram Mandrake adlanır. Mahiyyətcə, bu, hər hansı bir istifadəçi məlumatlarına daxil olmaq üçün Android sisteminin qanuni funksiyalarından istifadə edən bir casus proqramdır. Sistemə Mandrake quraşdıraraq, təcavüzkarlar fərdi məlumatları (o cümlədən bank tətbiqetmələrini) ələ keçirə, ekran fəaliyyətini gizli şəkildə qeyd ala, qurbanın yerini izləyə edə bilər. Eyni zamanda casus bütün izləri çox məharətlə itirə bilir.

  Mandrake zərərli proqramı kibertəhlükəsizlik tədqiqatçılarına 2016-cı ildən bəri məlumdur və onun ətraflı təhlilini antivirus şirkəti Bitdefenderin materialında tapa bilərsiniz. Bu gün bu kiber-casusluq əməliyyatının əsl miqyasını qiymətləndirmək çətindir. Ancaq görünür, cinayətkarlar zərərli proqramları təsadüfi yaymaqdansa, qurbanları diqqətlə seçməyi üstün tuturlar. Kibercinayətkarlar ilk öncə qiymətli hesab etdikləri məlumat dairəsini və o maraq dairəsinə hansı təbəqə insanların mobil qurğuları aiddir onu müəyyən edir. Mandrake bütün lazımi məlumatları toplayan kimi, bir neçə saniyə içində sistemdə casus proqramların mövcudluğunun bütün izlərini siləcək bir özünü məhvetmə mexanizmi işə salır. Mütəxəssislərin qeyd etdiyi kimi, kiber cinayətkarlar ən çox  gizlilik elementinə diqqət ayırırlar.