Zoom-da təhlükəsizlik tədbirləri

  Zoom – un istifadəsinin nə qədər etibarlı olduğu və video zənglərinizi qorumaq üçün hansı təhlükəsizlik tədbirlərinin kömək edəcəyi haqda danışacayıq. Bütün Zoom istifadəçilərinə açıq məktubda, şirkətin yaradıcısı Eric Yuan – ın, 2019-cu ilin dekabr ayında Zoom-un gündəlik üzvlərinin ən yüksək sayının 10 milyona çatdığını söylədi. 2020-ci ilin mart ayında onların sayı 200 milyonu keçdi. İndi şirkət bu cür gözlənilməz böyüməyə davam gətirmək üçün gücləndirilmiş rejimdə işləyir: xidmətin təhlükəsizlik tədbirlərini genişləndirir və istifadəçilər sayının artmasını nəzərə alaraq optimallaşdırır. Bəzi şəhərlərdə, məsələn Nyu-Yorkda, təhlükəsizlik boşluğu səbəbiylə Zoom məsafədən öyrənmə üçün istifadə qadağan edildi. Zoom əvvəlcə korporativ müştərilər üçün təsəvvür edilmiş və yalnız onlar tərəfindən istifadə edilmişdir. Əksəriyyət olaraq bu şirkətlərin İT şöbələri iştirakçıların təhlükəsizliyi və məxfiliyinə nəzarət etdilər. Ancaq son hadisələr səbəbiylə on milyonlarla insan Zoom – a, demək olar ki, hər şeyi keçirmək üçün müraciət etdi: iş görüşləri, məktəb dərsləri, dini iclaslar və sadəcə dostluq məclisləri.

  İstifadəçilərin sayı artdıqca proqrama da diqqət artdı. Toronto Universitetində bir laboratoriya olan Citizen Lab-da çalışanlar, xidmətin təhlükəsizliyi mövzusunda dərin bir araşdırma apardılar və şifrələmə metodlarının modernləşdirilməsinə ehtiyac olduğunu müəyyən etdilər. Belə qənaətə gəldilər ki, Zoom təhlükəsizlik sistemləri casusluqdan narahat olan dövlət məmurları və ya həssas mövzularda işləyən mütəxəssislər üçün istifadəçi təhlükəsizliyi kifayət deyil. Aşağıda təhlükəsizlik üçün tövsiyələrə diqqət yetirməyiniz məsləhət görülür:

Həmişə təsadüfi bir konfrans identifikatoru yaradın.

PMI şəxsi sonsuz konfransınız, virtual məkanınız kimi bir şeydir, buna görə kiməsə ötürməzdən əvvəl iki dəfə düşünün.

Konfrans ID-ni sosial şəbəkələrdə paylaşmayın.

Konfrans məlumatlarını ictimaiyyətə açıq olan rabitə kanalları ilə elan etməyi məsləhət görmürük.

Hər zaman şifrə tələb edin.

Zoom yaxınlarda bir yenilənmə buraxdı və indi susmaya görə fərdi konfrans identifikatorları , hər hansı bir planlaşdırılan konfrans və s. üçün şifrə tələb edir. Artıq bunu əl ilə etməyiniz lazım deyil və dəvət olunmamış qonaqlar, açıq bir konfrans tapmaq ümidi ilə təsadüfi identifikatorları arasında bir-bir yoxlayıb daxil ola bilməyəcəklər.

Təşkilatçının idarəetmə elementləri ilə tanış olun.

Təşkilatçının idarəetmə elementləri barədə məlumat toplayın ki,  arzuolunmayan simaların sizin konfransınıza girməsini əngəlləyəsiniz. Təşkilatçı, iştirakçıların mikrofonlarını söndürə, videolarını səssizləşdirə, kimin ekran nümayişinə sahib olacağına qərar verə və iştirakçıları otaqdan qovur bilər. Həmçinin təşkilatçılar indi video əlaqə üçün istifadə ediləcək serverlər bölgəsini seçə bilərlər.