Bundan sonra Wordpress bazasında olan bütün saytlar trafikin şifrələnməsi və istifadəçilərlə resurs arasında verilənlər mübadiləsinin qorunması üçün susmaya görə HTTPS protokolu istifadə edəcəklər. 2016-cı ilin aprel ayına olan statistikasına əsasən hal-hazırda bütün CMS-lərin 26.3 % -i Wordpress istifadə edir. Sistem mühəndisi Barri Abrahamsonun sözlərinə görə yenilənmə avtomatik olacaq və sayt inzibatçılarının hər hansı əlavə addım atmasına ehtiyac olmayacaq.

Şirkətin əməkdaşının sözlərinə görə, bütün SSL sertifikatlar Let`s Encrypt layihəsi çərçivəsində ödənişsiz veriləcəkdir. Ötən ilin dekabr ayından qeyd olunan layihə çərçivəsində 100000 – dən çox sertifikat verilmişdir.