XÜSUSİ DÖVLƏT MÜHAFİZƏ XİDMƏTİ
XÜSUSİ RABİTƏ VƏ İNFORMASİYA
TƏHLÜKƏSİZLİYİ DÖVLƏT AGENTLİYİ

KOMPÜTER İNSİDENTLƏRİNƏ QARŞI MÜBARİZƏ
MƏRKƏZİ

İnsident bildir

Xəbərlər > Bakıda kibertəhlükəsizliklə bağlı konfrans keçirilib.

13 Apr 2015

 Bakıda “İnformasiya əsrində milli təhlükəsizlik: İnformasiya Kommunikasiya Texnologiyalarına əsaslanan təhlükəsizlik mülahizələri” adlı beynəlxalq konfrans keçirilib.

Bu gün ADA Universitetində ATƏT-in Bakıdakı layihə əlaqələndiricisi və Xarici İşlər Nazirliyinin birgə təşkilatçılığı ilə "İnformasiya əsrində milli təhlükəsizlik" mövzusunda konfrans başlayıb. Xüsusi Dövlət Mühafizə Xidməti (XDMX) Xüsusi Rabitə və İnformasiya Təhlükəsizliyi Dövlət Agentliyi Kompüter İnsidentlərinə Qarşı Mübarizə Mərkəzinin (CERT) rəhbəri Tural Məmmədov isə “Bakı Avropa Oyunları 2015”, həmçinin e-poçt saxtakarlığı, mətbuat xakerliyi və məlumat bazalarının təhlükəsizliyinə məsuliyyət mövzusunda maraqlı çıxış edərək, konfrans iştirakçıları ilə təcrübələrini bölüşüb.

Konfransda Azərbaycanın 30-dan çox dövlət və özəl təşkilatlarının 90-a yaxın nümayəndəsi, eləcə də kibertəhlükəsizlik üzrə ixtisaslaşmış beynəlxalq ekspertlər iştirak edirlər. Konfrans kiber dövlətçiliyin inkişafı, kibercinayətkarlıqla mübarizədə qabaqcıl beynəlxalq təcrübələr, kibercinayətlər və kütləvi tədbirlər panellərində davam etdirilir.

Qeyd edək ki, bu tədbir Azərbaycanda kibercinayətkarlığın qarşısının alınması və onunla mübarizə üzrə ATƏT-in Bakıdakı layihə əlaqələndiricinin həyata keçirdiyi layihənin bir hissəsidir.